May 20, 2024

Warning: sprintf(): Too few arguments in /www/wwwroot/travelinsuregenie.com/wp-content/themes/chromenews/lib/breadcrumb-trail/inc/breadcrumbs.php on line 253

پاکستانی وزیر اعظم کو سعودی ولی عہد، ایرانی صدر، امیر قطر اور کینیا کے صدر سمیت کئی عالمی رہنماؤں نے مبارک باد بھیجی تھی

وزیر اعظم شہباز شریف نے تہنیتی پیغام بھجوانے پر سعودی ولی عہد محمد بن سلمان اور بھارتی وزیر اعظم نریندر مودی سمیت دیگر عالمی رہنماؤں کا شکریہ ادا کیا ہے۔

سوشل میڈیا پلیٹ فارم ’ایکس‘ پر جاری بیان میں وزیر اعظم شہباز شریف نے سعودی ولی عہد اور وزیراعظم محمد بن سلمان کا شکریہ ادا کرتے ہوئے کہا کہ پاکستان اور سعودی عرب کے تعلقات تاریخی اور باہمی احترام کی بنیاد پر قائم ہیں، امید ہے کہ آنے والے وقتوں میں یہ تعلقات مزید پائیدار ہوں گے۔

بھارتی وزیر اعظم کو مخاطب کرتے ہوئے وزیر اعظم شہباز شریف کا کہنا تھا کہ بطور وزیر اعظم میرے انتخاب پر مبارک باد کے پیغام پر آپ کا شکریہ ادا کرتا ہوں۔

وزیر اعظم شہباز شریف نے ایرانی صدر ابراہیم رئیسی کا بھی شکریہ ادا کیا اور کہا کہ ان کی جانب سے مبارک بادکی کال موصول ہوئی، ہم نے اپنے ممالک اور خطےکی بہتری کے لیے مل کر کام کرنے کے عزم کا اعادہ کیا۔

شہباز شریف نے امیر قطر شیخ تمیم بن حماد آل ثانی کا بھی شکریہ ادا کیا اور کہا کہ پاکستان قطر کے ساتھ اپنے برادرانہ تعلقات کو قدر کی نگاہ سے دیکھتا ہے۔ وزیر اعظم نے دونوں ممالک کے باہمی تعلقات مزید مضبوط بنانے کے عزم کا اعادہ بھی کیا۔

اس کے علاوہ وزیر اعظم نے کینیا اور تاجکستان کے صدور کا بھی شکریہ ادا کیا اور ان کے ملکوں سے تعلقات مزید بہتر بنانےکے عزم کا اظہار کیا۔

Leave a Reply

Your email address will not be published. Required fields are marked *